[b]حفلات الأعراس[/b]

السلام عليكم ورحمة الله وبركات
اليوم إن شاء الله تعالى نتكلم عن حاجة بتثيرنا كلنا خصوصا لما بنكون معزومين فى فرح صديق أو قريب أو أخ أو عم أوابن عم إلخ .....
البلد بتاعنا فيها مشكلة جدا وهى الأفراح اللى بتتعمل فى الشوارع وفى البلد ودا طبعا مش رأي أنا لواحدى بما أننى رجل عايش بره مصر لكن قريب هأعمل فرحى وإن شاء الله تكونوا كلكم معزومين طبعا فى قاعة دهب اللى على السريع وطبعا ما تنسوش
فعلشان كدا أنا بقول أن كتر أوي فى الفترة الأخيرة ودي لاحظتها بنفسي وبعينى أن الناس فى البلد بقت عايشة فى غيبوبة والله لقيت وأنا قاعد فى الكوشة بتاع الشبكة الشباب اللى قاعد يشرب حشيش وبانجو وخلافه
وطبعا الموضوع دا زعلنى جدا لقيت الشباب عايشين بدون هدف وعايشين فى التوهان
السؤال المهم بقى أن الناس دى أصلا مش معزومة يعنى لو قاموا على بعض ضرب يبقى الفرح باظ صح ولا غلط وفى نفس الوقت
نتقابل فى تكلمة الموضوع علشان الوقت مش ملكى
وعندي شغل كتير

منور يا رضا باشا بمواضيعكـ

بداية موفقة

هي فعلا مشكلة إننا دايما بنلاقي الحاجات دي في الأفراح

يعني الموجودين في أول صفين تبع العريس والعروسة

والباقي من هنا ومن هنا

تبع مين دول يا جماعة

الكل يقول مش عارف

انا بيتهيئلي إن لو فيه صالة في وسط البلد ها تبقى جميلة وبلاش بره البلد دي

بس ياريت نشوف في أفراحنا

اصحاب الفرح هم اللي موجودين

واللي عايز يهنيهم أهلا وسهلا

بس إن كان ها يقف باحترامه

منور يا غالي

والله الحقيقة موضوع جميل جداً وطبعاً الموضوع ده منتشر في البلد جداً حتى يوم فرحي كانت فيه نفس المشاكل دي شوية شباب صايع كل حبة في ركن وماسكبن القرف ده البانجو والحشيش وخناقات والله بصراااااااااحة موضوع زايد عن حده في البلد وعايز وقفة جامدة والله وياريت يبقى في توعية أكتر بين الشباب عن أخطار الحاجات المخدرة دي

وشكراً ليك يا أستاذ رضا وعلى طرحك للموضوع وإن شاء الله ديماً تنورنا بموضعاتك الجميلة الحساسة بالفعل

الموضوع ده طبعا في غنى عن الكلام عنه لأنه موجود فعلا وحقيقة بس مش عندنا لوحدنا مش المنتدى قصدي يعني مش في بلدنا بس دا منتشر تقريبا في كل بلد أو قرية من قرى مصر إلا اللي يقدر يجيب نوع نضيف شوية أو غالي شوية غير البانجو الحشيش lol!

وشكرا ليك يا رضا باشا [b]حفلات الأعراس[/b] 319873

أنا زميلك في الكويت/ عمرو رمضان عطالله بهنئك وبقلك الف الف مبروك وربنا يتمم علي خير
أخوك / عمرو رمضان عطاالله [b]حفلات الأعراس[/b] 854733

السلام عليكم ورحمة الله وبركاتة

موضوع البانجو والحيشيش موضوع ممتاز فى الحوار بس لابد من اتخاذ من كل اب او اخ للابناء بس المشكلة ان الناس فاضية مش لقية شغل لو الواحد شغال استحالة تلقى ان يكون عندة وقت يخدر او يقبل ان عقلة يضيع منة او ثوانى فى حاجة يشربها هو عارف بس بقلك حاجة افضى فيها همى وربنا يغفر للجميع ويبعدها عنهم وانا حاول افتح موضوع فى صفحة خاصة بخطبة مكتوبة ومنقولة من موقع ان شاء الله