عارفه ايه هو الباركنج و ايه هو التاكسى؟!
ايه هو الباركنج اصلا ؟
الباركنج طبعا هو الجراج اللى الناس بتركن فيه عربيتهم
ساعة اتنين تلاتة وبعدين تمشى !!
اااااااااه
هو ده بقى اللى عاوزة اوصلهولك اوعى ياحبيبتى تكونى باركنج
لولد تصاحبيه وتبقى تسليته لحد برده ما هييجى اليوم
وهيمشى زى الباركنج اللى مشى منه اصله هيسيبك هيسيبك
اووعى تفتكرى لما تصاحبى ولد من عالنت ولا عن طريق المنتديات
ولا بوى فرند فى الكلية انه هيكمل معاك على فكرة
هو لو بيخاف عليك مكنش اصلا سمح لنفسه انك تصاحبيه
خليكى مرة بتكلميه واسأليه سؤال
تقبل ده على امك !! تقبل ده على اختك !!
لو قالك لا اعرفى انه مش بيحبك لانه قبل ده عليك
ولو قالك اااه عااادى اعرفى انه ديوث مطرود من رحمة الله
اووووووووووعى
تكونى باركنج لولد يركن فيه شوية لغاية لما يلاقى البنت العفيفة
الطاهرة اللى هتبقى أم ولادها وتبقى مراته
اوووووووعى
تكونى باركنج للخروج والمكالمات والمسدات
والمسجات وقلة الحياء
اووووووووعى
تكونى باركنج للخيانة خيانة الله عز وجل
وخيانة رسول الله وخيانة الاهل باباكى مامتك وخيانة نفسك
اوووووووووعى
تكونى باركنج لشاب ضائع هائم فى ظلمات الشهوات والمعاصى
واكيد الشاب اللى يسمح لنفسه بالارتباط عبر كلمات او رسائل خاصة
او عبر الحرم الجامعى ببنت وهو لسه مشتغلش ولا شاف مستقبله
ولا حط رجله على اول سلمة اكيد معندهوش الاخلاق الكافية
اللى تقدر تحافظ عليكِ يا اختى و اوعى تكونى تاكسى!!!
اول ما واحد يشاور لك تقفى يركب شويه و ينزل و يركب واحد تانى
لحد ما يرجع بيته و يستقر
اوووووووووعى
تقولى ما كل اللى أدى اتجوزا وخلفوا وانا قاعدة اشمعنى
انا ده انا المحترمة اللى فيهم ده انا اللى مكنتش بكلم ولاد
ده انا المؤدبة اللى فيهم
يا اختى يا حبيبتى
ممكن يكونوا اتجوزوا اااه بس بعد ماضاعت البركة من بيتهم
مش ممكن يكون ده بلاء من ربنا ليكى يشوفك هتصبرى ولا لا
والله هيعوضك احسن منهم
ياااااااختى
عاوزاكى تصبرى ووالله ربنا ماهيضيع صبرك ابدا
فكرى فى نعمة الصحة والمال والاهل والعقل
الطعام سعادة يوم ..والسفر سعادة أسبوع ..
والزواج سعادة شهر ..والمال سعادة سنة ..
والإيمان سعادة العمر كله!
رزقك أَعرَف بمكانك منك بمكانه ..وهو يطاردك مطاردة الظل ..
ولن تموت حتى تستوفي رزقك .!
انتى جوهرة مصونة فى لؤلؤة مكنونة حافظى على نفسك
علشان ربنا يحافظ عليك
اوووووووعى
تكونى وانتِ بتكلميه ولا بتقابليه عمّالة تستخبى من باباكِ ولا مامتك
ولا اخوكِ ولا اختك ولا قريبك ده ولا صاحبتك دى
اوووووووووعى
تكونى نسيتى ان ربنا شايفك ومطلع عليكِ وهيحسبك
على كل كلمة بتقوليها
ورجلك وايديك ولسانك هيشهدوا عليك يوم القيامة
اوعى تفتكرى انه هيتجوزك
على لما تيجوا تتجوزا هيكون خلاص زهق منك مش طايقك
عاوز يغير بقى !!
ولو اتجوزك البركة خلاص راحت من بيتك
وثانيا بقى وده الاهم ممكن يفضل يعايرك فى كل مشكلة وخناقة ما بينكم
انتى زى ما النبى قال
قاروروة
لالالالالالازم
تحافظى على نفسك
بحجابك ** بصلاتك ** بعدم خضوعك بالقول
** بعدم المخالطة ** عدم المصاحبة
ولا مُتخذات أخدان
مفييييييييييييييش
حاجة اسمها ياحبيبتى صحوبيه فى الاسلام
لو كبير فى نظرك فالله اكبر
لو بتحبيه فالله احق ان تحبيه
اللى انتِ مصحباه ده ايدالك ااايه
حب مُزيف كله كدب فى كدب
ربنا نعمه عليكى كبيرة تقومى تستخدميها غلط
اختى
ماكان الحياء فى شيىء الا زانه
وما انتزع الحياء من شيىء الا شانه
الحياء تاجك الحياء عفتك الحياء
اوووووعى تكونى منهم اوعى
وبعد اختى الحبيبة
اعمل ليوم وداعك يوم يبكيك فيه الحبيب والقريب
يوم تجد من عمل محضرا امامك
فاعمل ليوم ودعاك لتعطر سيرتك بعد فراقك
قبل ان يُقال لك ودعنااااك
على فكرة الكلام هنا مش للبنات بس انتوا كمان
ياشباب اتقوا الله فى نفسكم وفى بنات المسلمين
واعرفوا ان كما تدين تدان
مش شطاره منك انك عرفت بنت واتنين وعشرة
واشتغلت تاكسى تركب وتنزل
خاف على نفسك واهل بيتك وبناتك وزوجتك
بلاش كل دول
خاف من ربنا هو الاحق انك تراقبه فى كل تصرفاتك
ربنا يهدينا جميعا لما يحب ويرضى
أخــــــــوكم / رضا البرادعي
عضو الجمعية العلمية للدعوة والثقافة الإسلامية
